Di sala 1991’an de çalakiyên gerîla zêde dibin. Bi beşdarbûna ciwanên Kurd û jinan re artêşa gerîla mezin dibe. Çalakiyên mezin ên li dijî qereqolan, dorpêçkirin, kontrola qadan û pêkanîna qadên rizgarkirî…
Serhildan wekî taktîkekî têkoşînê pêş dikeve û di civakê de qezencên mezin çêdike. Serhildan dibin amûrekî xweparastinê û rêxistinkirinê. Bi vê re ERNK digihîje asteke berfireh a rêxistinkirina cepheyê û tevger wekî tevgera gel roleke girîng dilîze. Rêxistinkirina ciwanan û jinê pir mezin dibe û mohra xwe li demê dixe. Civak digihîje asta ku hemû pêdiviyên xwe bi rêxistiniya xwe çareser bike. Gelek komîte, kom û komikên rêxistinî têne damezrandin.
Newrozên bi heybet ên 1991 û 1992’an mohra xwe li serdemê didin. Dewleta Tirkî komkujiyên mezin dike, li hemberî van komkujiyan gelê Kurd bi xurtî radibe ser xwe.
