Bi bilindbûna têkoşîna gerîla û serhildanan re, rêxistinkirina tevgera PKK’ê digihîje asteke pir mezin. Gewdê PKK’ê bi lez mezin dibe û ew sal wekî “şoreşa vejîna civakî” tê binavkirin, ew sal di hewayeke cejn û roşanê de ne. Di warê siyaseta demokratîk de pêşketineke mezin; Partiya Kedê ya Gel HEP tê avakirin. Pêvajoya damezrandina HEP’ê, hilbijartin û ketina meclîsê. Û di siyaseta Tirkiyê de serdemeke nû, ezmûnên yekem ên gelê Kurd di warê siyaseta demokratîk de. Di vê pêvajoya vejîna civakî de, li ser zemîna legal çapemenî, çand-huner, ciwan, jin, komele û gelek rêxistinên din bi têkoşîna demokratîk a legal derdikevin pêş.
